Cat peole izeneko jarraipena izan arren ez da iristen horren mailara. Hemen alde iluna argituta dago, eztitua, gozotuta hasiera hasieratik, hau da, ume mengela azaltzen den momentutik. Ez du, inola ere, Cat people-k duen indarra ezta misterioa.
Hala ere, pertsonia nagusiak (Alice, Irena eta haren senarra) aktore bertsuek errepikatzen dutenez, sentzazio bitxia sorzten dizu, mini-movie edo bi kapitukuko seriea ikusten ari zarela dirudizulako. Elisabeth Rusell Cat people filman eszena bakar batean azaltzen zen baina hemen presentzia handiagoa izatea ustekabe ona izan da, batez ere aurreko filman hitz bakar batekin ("sister") atmosfera itogarri bat margotu zuelako.Oraingo honetan Rusel da -nire ustez- bere isiltasunez pertsonaia erakargarriena gorpuzten duena. Besteak, berriz, gizartean ondo txertatutako familia burges aspergarria irudikatzen dute. Izan ere, horien bizitza perfektuan interesgarria den gauza bakarra emakume panteraren presentzia dela esango nuke nik.